İqtisadi Araşdırmalar və Tədris Mərkəzi MMC

İATM Azərbaycanda fəaliyyət göstərən şirkətlərin ehtiyaclarına uyğun mühasibat uçotu üzrə mütəxəssislər yetişdirən, 10 ildən çox təcrübəyə malik ixtisaslaşmış araşdırma və tədris mərkəzidir. Mərkəzimizin əsas üstünlüyü - mühasib və maliyyəçi kimi çalışan, eyni zamanda biliklərini paylaşmaq həvəsi olan yüksək pedaqoji qabiliyyətə malik müəllim heyətinə sahib olmağımız, həmçinin tələbələr üçün asan anlaşılan tədris vəsaitləri hazırlayaraq tədrisi praktiki şəkildə təşkil etməyimizdir. İATM, ölkəmiz müstəqillik qazandıqdan sonra ilk dəfə yerli tələbata uyğun mühasiblərin hazırlanması üçün milli sertifikasiya sistemini formalaşdıraraq imtahanlar keçirmişdir və bu prosesi mütəmadi olaraq təkmilləşdirərək həyata keçirməkdə davam edir. Mərkəzimizdə yetişən peşəkar mütəxəssis mühasiblər ölkənin müxtəlif şirkətlərində işlə təmin olunmaq üçün təklif edilir.