1983-cü ildə Azərbaycanın Quba rayonunda doğulmuşdur. 2000-ci ildə Quba şəhər 4 saylı orta məktəbi fərqlənmə ilə bitirdikdən sonra, Bakı Dövlət Universitetinin Kimya fakültəsinə qəbul olmuşdur. 2004-cü ildə həmin Universitetin (BDU) bakalavr pilləsi üzrə, 2006-ci ildə Magistr pilləsi üzrə təhsilini başa vuraraq Magistr dərəcəsi almışdır. 2019-cu ildə təhsilini davam etdirmək məqsədi ilə Türkiyənin Bahçeşehir Universitetinin İşlətmə fakültəsinə qəbul olmuş, 2020-ci ildə həmin fakültəni bitirmiş, MBA (Master of Business Administration) dərəcəsi, bundan əlavə müxtəlif tarixlərdə Şimali İrlandiyanın Queen's Universitetində (Queen's University Belfast), Türkiyənin İstanbul Texniki Universitetində (İTÜ) sertifikat proqramlarında iştirak etmiş, uğurla başa vuraraq müxtəlif sertifikatlar almışdır.  Əmək fəaliyyətinə 2005-ci ildə "Baku Steel Company"-də Kimyəvi sınaq laboratoriyasında laborant olaraq başlamış, daha sonra kimyaçı-mühəndis kimi fəaliyyətini davam etdirmişdir. 2008-2010 cu illər ərzində fərdi sahibkar kimi sahibkarlıq fəaliyyəti ilə məşğul olmuşdur. 2010-2014-cü illər ərzində "NJT" şirkətində Satış və Marketinq şöbəsinin müdiri olaraq çalışmışdır. 2015-ci ildə "Polimart MMC"-ni təsis edərək sahibkarlıq fəaliyyətini davam etdirmişdir. Hal-hazırda həmin şirkətdə Baş İcraçı Direktor vəzifəsini icra edir. 2018-ci ildən etibarən Azərbaycan Sahibkarlar Konfederasiyasının İdarə Heyətinin üzvü, 1 avqust 2019-cu ildən 15 Dekabr 2021-ci ilədək " MÜSİAD Azərbaycan " qeyri-hökumət təşkilatının İdarə Heyətinin Sədrinin müavini, Qlobal komitənin rəhbəri olaraq fəaliyyət göstərmişdir. 15 Dekabr 2021-ci ildən hal-hazıradək  "MÜSİAD Azərbaycan" qeyri-hökümət təşkilatının İdarə Heyətinin sədri vəzifəsini daşıyır. Ailəlidir, 3 övladı var.

1967-ci ildə Türkiyənin Nevşerhir şəhərində anadan olmuşdur. İbtidai, orta və lisey təhsilini Nevşehirdə bitimişdir. 1990-cı ildə Kayseri Erciyes Universitetində Elektrik sahəsi üzrə bakalavr təhsili almış, 1994-cü ildə isə Azərbaycan Texniki Universitetinin Rabitə mühəndisliyi fakültəsini müvəffəqiyyətlə bitirmişdir. 1992-ci ildə Mudopsan Ltd şirkətinin təsisçi ortağı olaraq iş fəaliyyətinə başlamış, 1998-ci ildə Fiar Architecture Ltd. şirkəti ilə Nevşehirdə modul tipli mətbəx mebeli istehsalına başlamış və 2008-ci ildə "Mobelline" mətbəx mebeli brendi ilə Azərbaycanda kommersiya fəaliyyətinə başlamışdır. 2012-ci ildən etibarən Yapar İnşaat və Mobilya Ltd. Şti şirkəti ilə Azərbaycanda inşaat, mebel və pərakəndə ticarət sahələrində fəaliyyət göstərməkdədir. 2018-ci ildən MÜSİAD Azərbaycan İdarə Heyətinin üzvü olmaqla bərabər, həm də MÜSİAD Azərbaycan Korporativ Əlaqələr və Kommunikasiya Komitəsinin sədridir. 2023-cü il sturktur dəyişikliklərinə əsasən Qurumlarla Əlaqələr Komissiyasının Sədri olaraq fəaliyyətini davam etdirir.

1984-cü ildə Bayburt şəhərində anadan olmuşdur. Orta təhsilini 1995-2002-ci illərdə Ankara Atatürk liseyində almışdır. 2003-cü ildə Atılım Universitetinin Sənaye Mühəndisliyi, 2008-ci ildə isə Anadolu Universitetinin Menecment fakültəsinə qəbul olmuşdur. 2015-ci ildə Bakı Mühəndislik Universitetinin Sənaye Mühəndisliyi fakültəsini, 2017-ci ildə isə ADA Universiteti və Hollandiya, “Maastricht School of Management”-in MBA dərəcəsini bitirmişdir. 2008-2012-ci illərdə “Bayburt Qrup Türkiyə”-də işləmiş, 2012-ci ildən etibarən isə fəaliyyətini Azərbaycanda davam etdirmişdir. 2012-ci ildən “Bayburt Grup A.Ş.”-nin, 2013-cü ildən “Özgün Yapı Sanayi ve Ticaret A.Ş”-nin AR-dakı filialında Rəhbər olaraq fəaliyyət göstərir. 2019-cu ildən "MÜSİAD Azərbaycan Akademiyası"-nın “Komitə Sədri”, 2021-ci ildən isə “İdarə Heyətinin Üzvü” kimi fəaliyyətinə davam edir. 2023-cü il yeni struktur dəyişikliklərə əsasən "İnşaat və Tikinti Materialları Komissiyası"nın sədri kimi fəaliyyətini davam etdirir.

1975-ci ildə Azərbaycanın Qəbələ rayonunda doğulmuşdur. Orta məktəb təhsilini 1992-ci ildə Bakıda tamamlamışdır. 1997-ci ildə Azərbaycan Dövlət Neft və Sənaye Universitetini bitirmişdir. 2000-ci ildə ortaqları ilə birgə “Office Lines MMC” şirkətini təsis etmişdir. 2014-cu ildə İngiltərədə Halalbooking LTD şirkəti qurulmuş və 2017 ci ildən o şirkətin maliyyə işləri ilə məşğul olur. 2019-cu ildən MÜSİAD Azərbaycana üzv olmuş və 2021-ci ildən İdarə Heyətinin üzvüdür. 2023-cü il struktur dəyişikliklərinə əsasən Karz-ı Hasen sədri olaraq fəaliyyəətini davam etdirir.

1975-ci ildə Azərbaycanın Bakı şəhərində anadan olmuşdur. Orta təhsilini 1981-1991-ci illərdə Bakı şəhəri 52 nömrəli orta məktəbdə tamamlamışdır. Təhsilinə 1994-cü ildə Azərbaycan Dövlət Neft və Sənaye Universitetində, proqramlaşdırma ixtisasında davam etmişdir. 1991-ci ildən neft ayırma zavodunda əmək fəaliyyətinə, 1996-cı ildən isə fərdi sahibkarlıqla məşğul olmağa başlamışdır. 2001-ci ildə yaradılan AOF Group Holdingin qurucusu və təsisçisidir. 2017-ci ildə qurulan Balakan Foods şirkətinin həmtəsisçisidir. 2023-cü ildən İdarə Heyətinin üzvüdür. 2023-cü il yeni struktur dəyişikliklərə əsasən MÜSİAD Azərbaycanın "İstehsal və Ticarət Komissiyası"nın sədri kimi fəaliyyətini davam etdirir. Evlidir, 9 övladı var.

1980-ci ildə Naxçıvan MR, Ordubad rayonunda ziyalı ailəsində dünyaya gəlmişdir. 1998-2002-ci illərdə Azərbaycan Dövlət Pedaqoji Universitetinin Tarix fakultəsində, 2002-2004-cü illərdə isə ADPU-nun magistratura şöbəsində təhsil almışdır. 2004-cü ildə AMEA Arxeologiya və Etnoqrafiya İnstitutunda  doktoranturaya daxil olmuş, 2009-cu ildə “Ordubad bölgəsinin tunc və ilk dəmir dövrü arxeoloji abidələri” mövzusunda dissertasiya işini müvəffəqiyyətlə müdafiə edərək Tarix üzrə fəlsəfə doktoru elmi dərəcəsinə layiq görülmüşdür. Azərbaycan Respublikasının Prezidenti Yanında Ali Attestasiya Komissiyasının 29.06.2021-ci il tarixli qərarı ilə “Dosent” elmi adı almışdır. 2005-ci ildən başlayaraq Naxçıvan ərazisində tədqiqat aparan "Xaraba-Gilan" arxeoloji ekspedisiyası, “Şərur arxeoloji ekspedisiyası”, "Azərbaycan-Fransa", "Azərbaycan-Amerika" beynəlxalq ekspedisiyaları tərkibində arxeoloji qazıntılarda iştirak edib. 2020-ci ildən etibarən “Xaraba-Gilan” arxeoloji ekspedisiyasının tərkibində “Plovdağ” arxeoloji dəstəsinin rəhbəridir. Azərbaycan Respublikasının Prezidenti yanında Elmin İnkişafı Fondunun 2011-ci ildə elan etdiyi Gənc Alim və Mütəxəssislərin 1-ci qrant müsabiqəsi (Qrant № EİF/ GAM-1-2011-2(4)-26/22/5) çərçivəsində  5-01-03 Arxeologiya istiqaməti üzrə “Azərbaycanın qərb rayonlarında müxtəlif dövr arxeoloji abidələrin elektron qeydiyyatı və xəritələşməsi”  adlı layihədə qalib layihə rəhbəri  kimi iştirak etmiş və 2013-cu ildə layihəni uğurla başa çatdırmışdır. Türkiyə, Rusiya, Moldova, Belorusiya, Türkmənistan, Şimali Kipr Türk Respublikası və digər ölkələrdə keçirilən beynəlxalq elmi konfranslarda məruzə ilə çıxış etmişdir. 3 kitab, 50-dən artıq elmi tezis və məqalənin müəllifidir. Azərbaycan Dövlət Pedaqoji Universitetinin “Tarix və Coğrafiya” fakultəsində əvəzçi ştatla  “Qədim dünya tarixi” fənnini tədris edir.  Hədəf Şirkətlər Qrupunda baş direktorun müavini vəzifəsini icra edir. 2023-cü ildən MÜSİAD Azərbaycana üzv olmuş və 2024-cü ildən İdarə Heyətinin üzvüdür. 2024-cü il yeni struktur dəyişikliklərinə əsasən MÜSİAD Azərbaycanın "Təhsil və Mədəniyyət Komissiyası"nın sədri kimi fəaliyyətini davam etdirir. Ailəlidir, 3 övladı var.